ਹਾਪੁੜ, 31 ਅਗਸਤ 2026 : ਭਾਰਤ ਦੇਸ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਜਿਲਾ ਹਾਪੁੜ ਦੇ ਸਿੰਭਾਵਲੀ ਥਾਣਾ ਖੇਤਰ ਵਿਚ ਇਕ ਨੌਜਵਾਨ ਵਲੋਂ ਸਾਬਕਾ ਮੰਗੇਤਰ ਤੇ ਉਸਦੀ ਭੈਣ ‘ਤੇ ਤੇਜ਼ਾਬ ਸੁੱਟਿਆ (Thrown acid) ਗਿਆ ਹੈ ।
ਕੀ ਹੈ ਪੂਰਾ ਮਾਮਲਾ
ਮਿਲੀ ਜਾਣਕਾਰੀ ਅਨੁਸਾਰ ਸਿੰਭਾਵਲੀ ਥਾਣਾ ਖੇਤਰ ‘ਚ ਰਿਸ਼ਤਾ ਟੁੱਟਣ ਤੋਂ ਨਾਰਾਜ਼ ਇਕ ਨੌਜਵਾਨ ਵਲੋਂ ਕਥਿਤ ਤੌਰ ‘ਤੇ ਆਪਣੀ ਸਾਬਕਾ ਮੰਗੇਤਰ ਅਤੇ ਉਸ ਦੀ ਭੈਣ ’ਤੇ ਤੇਜ਼ਾਬ ਸੁੱਟ ਦਿੱਤਾ ਗਿਆ ਹੈ ਵਾਲੇ ਹਮਲੇ ‘ਚ ਦੋਵੇਂ ਭੈਣਾਂ ਗੰਭੀਰ ਰੂਪ ‘ਚ ਜ਼ਖਮੀ (Injured) ਹੋ ਗਈਆਂ ਹਨ । ਪੁਲਸ ਨੇ ਮੁਲਜ਼ਮ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ ।
ਕੀ ਸਾਹਮਣੇ ਪੁਲਸ ਦੀ ਸ਼ੁਰੂਆਤੀ ਜਾਂਚ ਵਿਚ
ਪੁਲਸ ਵਲੋਂ ਕੀਤੀ ਗਈ ਸ਼ੁਰੂਆਤੀ ਜਾਂਚ ਵਿਚ ਸਾਹਮਣੇ ਆਇਆ ਜਿਸ ਲੜਕੀ ‘ਤੇ ਤੇਜਾਬ ਪਾਇਆ ਗਿਆ ਹੈ ਦਾ ਰਿਸ਼ਤਾ ਹਾਪੁੜ ਦੀ ਆਵਾਸ ਵਿਕਾਸ ਕਾਲੋਨੀ ਨਿਵਾਸੀ ਹਰਸ਼ ਭਾਟੀ ਨਾਲ ਤੈਅ ਹੋਇਆ ਸੀ । ਬਾਅਦ ‘ਚ ਪਰਿਵਾਰ ਨੂੰ ਨੌਜਵਾਨ ਦੇ ਨਸ਼ੇ ਦਾ ਆਦੀ ਹੋਣ ਦੀ ਜਾਣਕਾਰੀ ਮਿਲੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਰਿਸ਼ਤਾ ਤੋੜ ਦਿੱਤਾ ।
ਨੌਜਵਾਨ ਨੇ ਲੜਕੀ ਦੇ ਘਰ ਪਹੁੰਚਦਿਆਂ ਹੀ ਸੁੱਟ ਦਿੱਤਾ ਤੇਜ਼ਾਬ
ਦੋਸ਼ ਹੈ ਕਿ ਸ਼ਨੀਵਾਰ ਦੇਰ ਰਾਤ ਲੱਗਭਗ 2 ਵਜੇ ਨੌਜਵਾਨ ਤੇਜ਼ਾਬ ਲੈ ਕੇ ਮੁਟਿਆਰ ਦੇ ਘਰ ਪਹੁੰਚਿਆ। ਦਰਵਾਜ਼ਾ ਖੁੱਲ੍ਹਦਿਆਂ ਹੀ ਉਸ ਨੇ ਸਾਬਕਾ ਮੰਗੇਤਰ ‘ਤੇ ਤੇਜ਼ਾਬ ਸੁੱਟ ਦਿੱਤਾ। ਉਸ ਨੂੰ ਬਚਾਉਣ ਆਈ ਉਸ ਦੀ ਭੈਣ ਵੀ ਹਮਲੇ ਦੀ ਲਪੇਟ ‘ਚ ਆ ਗਈ । ਚੀਕ-ਚਿਹਾੜਾ ਸੁਣ ਕੇ ਪਰਿਵਾਰ ਵਾਲੇ ਜਾਗ ਗਏ ਅਤੇ ਭੱਜ ਰਹੇ ਮੁਲਜ਼ਮ ਨੂੰ ਫੜ ਲਿਆ ।
ਕੀ ਦੱਸਿਆ ਸੀ. ਓ. ਨੇ
ਸੂਚਨਾ ਮਿਲਣ ‘ਤੇ ਪਹੁੰਚੀ ਪੁਲਸ ਨੇ ਮੁਲਜ਼ਮ ਨੂੰ ਹਿਰਾਸਤ (Detention) ‘ਚ ਲੈ ਲਿਆ । ਦੋਵਾਂ ਜ਼ਖਮੀ ਭੈਣਾਂ ਨੂੰ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ । ਸੀ. ਓ. ਰਾਹੁਲ ਯਾਦਵ ਨੇ ਦੱਸਿਆ ਕਿ ਸ਼ਿਕਾਇਤ ਦੇ ਆਧਾਰ ‘ਤੇ ਮਾਮਲਾ ਦਰਜ (Case registered) ਕਰ ਕੇ ਮੁਲਜ਼ਮ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ।
Read More : ਚਾਰ ਵਿਅਕਤੀਆਂ ਦੀ ਹੋਈ ਤੇਜ਼ਾਬ ਨੂੰ ਸ਼ਰਾਬ ਸਮਝ ਕੇ ਪੀਣ ਕਾਰਨ ਮੌਤ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
