ਕੋਲਕਾਤਾ, 2 ਸਤੰਬਰ 2026 : ਭਾਰਤ ਦੇਸ਼ ਦੇ ਸੂਬੇ ਪੱਛਮ ਬੰਗਾਲ (West Bengal) ਵਿਖੇ ਜਨਤਕ ਥਾਵਾਂ ‘ਤੇ ਥੁੱਕਣ ‘ਤੇ 100 ਰੁਪਏ ਦਾ ਜੁਰਮਾਨਾ (Fine) ਲਗਾਏ ਜਾਣ ਦੀ ਪ੍ਰਣਾਲੀ ਸ਼ੁਰੂ ਕੀਤੇ ਜਾਣ ਦਾ ਸਮਾਚਾਰ ਹੈ ।
ਹੋਰ ਕੀ ਕੀ ਆਖਿਆ ਗਿਆ ਹੈ ਸਰਕਾਰ ਵਲੋਂ
ਮਿਲੀ ਜਾਣਕਾਰੀ ਅਨੁਸਾਰ ਪੱਛਮੀ ਬੰਗਾਲ ਸਰਕਾਰ ਵਲੋਂ ਜੋ ਮੰਗਲਵਾਰ ਨੂੰ ਇਕ ਹੁਕਮ ਜਾਰੀ ਕਰਦਿਆਂ ਜਨਤਕ ਥਾਵਾਂ ‘ਤੇ ਥੁੱਕਣ (Spitting in public places) ਵਾਲਿਆਂ ਨੂੰ 100 ਰੁਪਏ ਜੁਰਮਾਨਾ ਲਗਾਉਣ ਦਾ ਐਲਾਨ ਕੀਤਾ ਗਿਆ ਹੈ ਦੇ ਚਲਦਿਆਂ ਸ਼ਹਿਰੀ ਨਿਗਮਾਂ ‘ਚ ਘਰਾਂ ਵਿਚੋਂ ਨਿਕਲਣ ਵਾਲੇ ਕੂੜੇ ਦੀ ਨਿਗਰਾਨੀ ਲਈ ਇਕ ਕਿਊ. ਆਰ.-ਆਧਾਰਤ ਪ੍ਰਣਾਲੀ ਸ਼ੁਰੂ ਕਰਦਿਆਂ ਲੋਕਾਂ ਨੂੰ ਗਿੱਲੇ ਅਤੇ ਸੁੱਕੇ ਕੂੜੇ ਨੂੰ ਘਰ ‘ਚ ਹੀ ਵੱਖ-ਵੱਖ ਕਰਨ ਲਈ ਕਿਹਾ ਗਿਆ ਹੈ ।
ਹਰ ਘਰ ਨੂੰ ਦਿੱਤਾ ਜਾਵੇਗਾ ਕਿਉ ਆਰ ਕੋਡ
ਜਿਕਰਯੋਗ ਹੈ ਕਿ ਇਸ ਪਹਿਲ ਕਦਮੀ ਹੇਠ ਹਰ ਘਰ ਨੂੰ ਇਕ ਕਿਉ. ਆਰ. ਕੋਡ ਦਿੱਤਾ ਜਾਵੇਗਾ, ਜਿਸ ਨਾਲ ਨਗਰ ਨਿਗਮ (Municipal Corporation) ਦੇ ਕਰਮਚਾਰੀ ਕੂੜਾ ਵੱਖ ਕਰਨ ਦੇ ਨਿਯਮਾਂ ਦੀ ਪਾਲਣਾ ਨੂੰ ਰਿਕਾਰਡ ਕਰ ਸਕਣਗੇ ਅਤੇ ਰੀਅਲ ਟਾਈਮ ‘ਚ ਫੀਡਬੈਕ ਅਪਲੋਡ ਕਰ ਸਕਣਗੇ ।
ਸ਼ਹਿਰੀ ਵਿਕਾਸ ਅਤੇ ਨਗਰਪਾਲਿਕਾ ਮਾਮਲਿਆਂ (ਯੂ. ਡੀ. ਐੱਮ. ਏ.) ਦੀ ਮੰਤਰੀ ਅਗਨੀ ਮਿਤਰਾ ਪਾਲ ਵੱਲੋਂ ਐਲਾਨੀ ਗਈ ਇਸ ਪਹਿਲ ਕਦਮੀ ਹੇਠ ਖੁੱਲ੍ਹੇ ‘ਚ ਪਖਾਨਾ ਜਾਂ ਪਿਸ਼ਾਬ ਕਰਨ, ਕੂੜਾ ਖਿਲਾਰਨ, ਗੈਰ-ਕਾਨੂੰਨੀ ਢੰਗ ਨਾਲ ਕੂੜਾ ਸੁੱਟਣ ਅਤੇ ਪਾਬੰਦੀਸ਼ੁਦਾ ਪਲਾਸਟਿਕ ਬੈਗਾਂ ਦੀ ਵਰਤੋਂ ਕਰਨ ਜਾਂ ਉਨ੍ਹਾਂ ਨੂੰ ਕੋਲ ਰੱਖਣ ‘ਤੇ 200 ਰੁਪਏ ਦਾ `ਡਿਜੀਟਲ ਸਪੌਟ ਫਾਈਨ`ਲਾਇਆ ਜਾਵੇਗਾ ।
Read More : 2023-25 ਚ ਪਰਾਲੀ ਸਾੜਨ ਦੀਆਂ ਘਟਨਾਵਾਂ ਚ 86 ਫੀਸਦੀ ਦੀ ਕਮੀ : ਮਾਨ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ ।
One thought on “ਪੱਛਮੀ ਬੰਗਾਲ ‘ਚ ਜਨਤਕ ਥਾਵਾਂ ਤੇ ਥੁੱਕਣ `ਤੇ ਲੱਗੇਗਾ 100 ਰੁਪਏ ਜੁਰਮਾਨਾ”