ਲਖਨਊ, 17 ਸਤੰਬਰ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੀ ਰਾਜਧਾਨੀ ਲਖਨਊ ਵਿਖੇ ਇਕ ਪ੍ਰੇਮੀ ਵਲੋਂ ਆਪਣੀ ਹੀ ਪ੍ਰੇਮਿਕਾ ਨੂੰ ਕਾਰ ਨਾਲ ਟੱਕਰ ਮਾਰਨ ਦਾ ਘਟਨਾਕ੍ਰਮ ਵਾਪਰਿਆ ਹੈ ।
ਕੌਣ ਹੈ ਇਹ ਪ੍ਰੇਮੀ ਜਿਸ ਨੇ ਪ੍ਰੇਮਿਕਾ ਨੂੰ ਮਾਰੀ ਕਾਰ ਨਾਲ ਟੱਕਰ
ਮਿਲੀ ਜਾਣਕਾਰੀ ਅਨੁਸਾਰ ਬੀਤੇ ਦਿਨੀਂ ਲਖਨਊ ਦੇ ਗੋਮਤੀਨਗਰ ਵਿਸਤਾਰ ਸਥਿਤ ਜਨੇਸ਼ਵਰ ਮਿਸ਼ਰ ਪਾਰਕ ਦੇ ਗੇਟ ਨੰਬਰ ਚਾਰ ਨੇੜੇ ਸਵੇਰ ਵੇਲੇ ਜੋ ਇੱਕ ਲੜਕੀ ਨੂੰ ਪੇ੍ਮੀ ਵਲੋਂ ਕਾਰ ਨਾਲ ਟੱਕਰ (Collision with a car) ਮਾਰ ਕੇ ਭੱਜਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਵਿਚ ਪ੍ਰੇਮੀ ਦੀ ਪਛਾਣ ਸ਼ਹਿਨਵਾਜ ਅਲੀ ਦੇ ਤੌਰ ‘ਤੇ ਹੋਈ ਹੈ । ਦੱਸਣਯੋਗ ਹੈ ਕਿ ਲੜਕੇ ਵਲੋਂ ਕਾਰ ਵਿਚ ਸਵਾਰ ਆਪਣੇ ਦੋਸਤ ਨਾਲ ਮਿਲ ਕੇ ਅਜਿਹਾ ਕਰਨ ‘ਤੇ ਪੁਲਸ ਨੂੰ ਵੀ ਸਿ਼ਕਾਇਤ ਕੀਤੀ ਗਈ ਹੈ ।
ਕੀ ਦੱਸਿਆ ਗਿਆ ਪੁਲਸ ਨੂੰ ਦਿੱਤੀ ਗਈ ਸਿ਼ਕਾਇਤ ਵਿਚ
ਪੁਲਸ ਅਨੁਸਾਰ ਲੜਕੀ ਨੇ ਦਿੱਤੀ ਸਿਕਾਇਤ ਵਿਚ ਦੱਸਿਆ ਹੈ ਕਿ ਉਹ ਸ਼ਹਿਨਵਾਜ਼ ਅਲੀ (Shahnawaz Ali) ਨਾਲ ਰਿਲੇਸ਼ਨਸਿ਼ਪ ਵਿੱਚ ਸੀ ਅਤੇ ਬੁੱਧਵਾਰ ਸਵੇਰੇ ਉਹ ਜਨੇਸ਼ਵਰ ਮਿਸ਼ਰ ਪਾਰਕ ਦੇ ਗੇਟ ਨੰਬਰ ਚਾਰ ਨੇੜੇ ਚਾਹ ਪੀਣ ਗਈ ਸੀ ਤਾਂ ਇਸੇ ਦੌਰਾਨ ਸ਼ਹਿਨਵਾਜ਼ ਅਲੀ ਆਪਣੇ ਦੋਸਤ ਦਾਨਿਸ਼ ਅਤੇ ਦੋ ਹੋਰ ਲੜਕੀਆਂ ਨਾਲ ਕਾਰ ਵਿੱਚ ਉੱਥੇ ਪਹੁੰਚਿਆ । ਲੜਕੀ ਨੇ ਦੋਸ਼ ਲਗਾਇਆ ਕਿ ਹੋਰ ਲੜਕੀਆਂ ਨਾਲ ਸਬੰਧਾਂ ਨੂੰ ਲੈ ਕੇ ਵਿਰੋਧ ਕਰਨ ‘ਤੇ ਸ਼ਹਿਨਵਾਜ਼ ਅਤੇ ਦਾਨਿਸ਼ ਨੇ ਉਸ ਨਾਲ ਝਗੜਾ ਕੀਤਾ ।
ਹੋਰ ਕੀ ਕੀ ਦੱਸਿਆ ਲੜਕੀ ਨੇ
ਲੜਕੀ ਨੇ ਦੱਸਿਆ ਕਿ ਜਦੋਂ ਦੋਵੇਂ ਕਾਰ ਲੈ ਕੇ ਜਾਣ ਲੱਗੇ ਤਾਂ ਉਸਨੇ ਅੱਗੇ ਹੋ ਕੇ ਕਾਰ ਰੋਕਣ ਦੀ ਕੋਸਿ਼ਸ਼ ਕੀਤੀ ਤਾਂ ਸ਼ਹਿਨਵਾਜ਼ ਨੇ ਉਸ ਨੂੰ ਕਾਰ ਨਾਲ ਟੱਕਰ ਮਾਰ ਦਿੱਤੀ ਅਤੇ ਮੌਕੇ ਤੋਂ ਫ਼ਰਾਰ ਹੋ ਗਿਆ । ਸੂਚਨਾ ਮਿਲਣ ‘ਤੇ ਪੁਲਸ ਮੌਕੇ ‘ਤੇ ਪਹੁੰਚੀ ਅਤੇ ਲੜਕੀ ਨੂੰ ਮੈਡੀਕਲ ਜਾਂਚ ਲਈ ਭੇਜਿਆ । ਪੁਲਸ ਨੇ ਗੱਡੀ ਦੇ ਨੰਬਰ ਦੇ ਆਧਾਰ ‘ਤੇ ਸ਼ਹਿਨਵਾਜ਼ ਅਲੀ ਨੂੰ ਕਾਬੂ ਕਰ ਲਿਆ ਹੈ ਅਤੇ ਦਾਨਿਸ਼ ਦੀ ਭਾਲ ਕੀਤੀ ਜਾ ਰਹੀ ਹੈ ।
Read More : ਗੰਨ ਕਲਚਰ ਨੂੰ ਪ੍ਰਮੋਟ ਕਰਨ ‘ਤੇ ਪੰਜਾਬੀ ਗਾਇਕ ਵਿਰੁੱਧ ਕੇਸ ਦਰਜ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
