ਬੈਂਕਾਕ, 30 ਜੁਲਾਈ 2026 : ਥਾਈਲੈਂਡ (Thailand) ਵਿਚ 3 ਭਾਰਤੀ ਸੈਲਾਨੀਆਂ ਨੂੰ ਅਗਵਾ ਕਰਨ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਤੋਂ ਫਿ਼ਰੌਤੀ ਮੰਗਣ ਦੇ ਦੋਸ਼ ਵਿਚ 5 ਭਾਰਤੀ ਨਾਗਰਿਕਾਂ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ ।
ਕੌਣ ਕੌਣ ਹਨ ਜਿਨ੍ਹਾਂ ਨੂੰ ਕੀਤਾ ਗਿਆ ਹੈ ਗ੍ਰਿਫ਼ਤਾਰ
ਪੁਲਸ ਨੇ ਸਾਰੇ ਮੁਲਜ਼ਮਾਂ ਨੂੰ ਬੈਂਕਾਕ ਦੇ ਕਲੌਂਗ ਤਾਨ ਇਲਾਕੇ ਦੇ ਇਕ ਹੋਟਲ ‘ਚੋਂ ਉਸ ਸਮੇਂ ਦਬੋਚ ਲਿਆ ਜਦੋਂ ਉਹ ਕਥਿਤ ਤੌਰ ‘ਤੇ ਦੇਸ਼ ਛੱਡ ਕੇ ਭੱਜਣ ਦੀ ਤਿਆਰੀ ਕਰ ਰਹੇ ਸਨ । ਗ੍ਰਿਫ਼ਤਾਰ ਮੁਲਜ਼ਮਾਂ ਦੀ ਪਛਾਣ ਅਵਤਾਰ ਸਿੰਘ (38), ਜਗਜੀਤ ਸਿੰਘ (38), ਰਾਮਬਾਲਕ ਕੁਮਾਰ (24), ਸੁਖਬੀਰ ਸਿੰਘ (37) ਤੇ ਕੁਲਰਾ ਸਿੰਘ (27) ਵਜੋਂ ਹੋਈ ਹੈ ।
ਮੁਲਜਮਾਂ ਕੋਲੋਂ ਪੁੱਛਗਿੱਛ ਵਿਚ ਸਾਹਮਣੇ ਆਇਆ
ਪੁਲਸ ਅਨੁਸਾਰ ਪੁੱਛਗਿੱਛ ਵਿਚ ਮੁਲਜ਼ਮਾਂ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ ਇਕ ਪਾਕਿਸਤਾਨੀ ਨਾਗਰਿਕ ਨੇ 3 ਭਾਰਤੀ ਸੈਲਾਨੀਆਂ (Indian tourists) ਨੂੰ ਅਗਵਾ ਕਰਨ ਦਾ ਹੁਕਮ ਦਿੱਤਾ ਸੀ । ਜਾਂਚ ਏਜੰਸੀਆਂ ਦਾ ਮੰਨਣਾ ਹੈ ਕਿ ਕਥਿਤ ਸਾਜਿ਼ਸ਼ਕਰਤਾ ਦੁਬਈ ਵਿਚ ਬੈਠਾ ਹੈ ਅਤੇ ਫਿ਼ਰੌਤੀ ਦੀ ਰਕਮ ਕ੍ਰਿਪਟੋਕਰੰਸੀ ਰਾਹੀਂ ਹਾਸਲ ਕਰਨ ਦੀ ਯੋਜਨਾ ਬਣਾ ਰਿਹਾ ਸੀ ।
ਕੌਣ ਕੌਣ ਸਨ ਜਿਨ੍ਹਾਂ ਨੂੰ ਕੀਤਾ ਗਿਆ ਸੀ ਅਗਵਾ
ਮਾਮਲੇ ਦਾ ਖੁਲਾਸਾ ਉਸ ਵੇਲੇ ਹੋਇਆ ਜਦੋਂ ਪੀੜਤਾਂ ਦੇ ਪਰਿਵਾਰ ਵਾਲਿਆਂ ਦੀ ਸਿ਼ਕਾਇਤ ਤੋਂ ਬਾਅਦ ਥਾਈਲੈਂਡ ਸਥਿਤ ਭਾਰਤੀ ਅੰਬੈਸੀ ਨੇ 21 ਜੁਲਾਈ ਨੂੰ ਚੋਨਬੁਰੀ ਇਮੀਗ੍ਰੇਸ਼ਨ ਪੁਲਸ ਅਤੇ ਪੱਤਾਇਆ ਸਿਟੀ ਪੁਲਸ (Pattaya City Police) ਨੂੰ ਚੌਕਸ ਕੀਤਾ । ਇਸ ਤੋਂ ਬਾਅਦ ਪੁਲਸ ਨੇ ਖ਼ੁਫ਼ੀਆ ਸੂਚਨਾ ਅਤੇ ਸੀ.ਸੀ. ਟੀ. ਵੀ. ਫੁਟੇਜ ਦੇ ਆਧਾਰ `ਤੇ ਪੱਤਾਇਆ ਸਥਿਤ ਇਕ 2 ਮੰਜ਼ਿਲਾ ਇਮਾਰਤ ‘ਤੇ ਛਾਪਾ ਮਾਰ ਕੇ ਮੋਹਿਤ (23), ਆਸ਼ੀਸ਼ (24) ਤੇ ਹਿਮਾਂਸ਼ੂ (20) ਨਾਂ ਦੇ ਤਿੰਨੋਂ ਭਾਰਤੀ ਸੈਲਾਨੀਆਂ ਨੂੰ ਸੁਰੱਖਿਅਤ ਛੁਡਵਾ ਲਿਆ ।
Read More : ਰਿਸ਼ਵਤ ਲੈਂਦਾ ਬੀ. ਪੀ. ਈ. ਓ. ਦਫ਼ਤਰ ਦਾ ਕਲਰਕ ਗਿਫ਼ਤਾਰ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
