ਚੀਨ, 10 ਸਤੰਬਰ 2026 : ਚੀਨ (China) ਦੇ ਸ਼ਹਿਰ ਮੋਕੀ ਵਿਚ ਭਾਰਤ ਨੇ ਪਾਕਿਸਤਾਨ ਨੂੰ 19-0 ਨਾਲ ਹਰਾ ਕੇ ਮਹਿਲਾ ਜੂਨੀਅਰ ਏਸ਼ੀਆ ਕੱਪ (Women’s Junior Asia Cup) ਦੇ ਸੈਮੀਫਾਈਨਲ ‘ਚ ਜਗ੍ਹਾ ਬਣਾ ਲਈ ਹੈ ।
ਪੰਜ ਮਿੰਟਾਂ ਵਿਚ ਹੀ ਭਾਰਤ ਨੇ ਕਰ ਦਿੱਤੇ ਸੀ ਦੋ ਪੈਨਲਟੀ ਕਾਰਨਰ
ਭਾਰਤ ਨੇ ਸ਼ੁਰੂਆਤੀ ਪੰਜ ਮਿੰਟਾਂ ‘ਚ ਹੀ ਦੋ ਪੈਨਲਟੀ ਕਾਰਨਰ (Penalty corner) ਹਾਸਲ ਕਰਕੇ ਦਬਾਅ ਬਣਾ ਦਿੱਤਾ । ਇੱਕ ਗੋਲ ਨੂੰ ਵੀਡੀਓ ਜਾਂਚ ਤੋਂ ਬਾਅਦ ਰੱਦ ਕਰ ਦਿੱਤਾ ਗਿਆ । ਇਸ ਤੋਂ ਬਾਅਦ ਸੱਤਵੇਂ ਮਿੰਟ ‘ਚ ਪੂਜਾ ਸਾਹੂ ਨੇ ਭਾਰਤ ਨੂੰ ਲੀਡ ਦਿਵਾਈ । ਦੋ ਮਿੰਟ ਬਾਅਦ ਰੋਸ਼ਨੀ ਨੇ ਦੂਜਾ ਗੋਲ ਕਰਕੇ ਸਕੋਰ 2-0 ਕਰ ਦਿੱਤਾ ।
ਕਿਸ ਨੇ ਕੀਤਾ ਸੀ ਡਿਫਲੈਕਸ਼ਨ ਨਾਲ ਗੋਲ
ਪਹਿਲੇ ਕੁਆਰਟਰ ਦੇ ਬਾਕੀ ਸਮੇਂ ‘ਚ ਤਨੁਸ਼੍ਰੀ ਕਡੂ ਨੇ ਡਿਫਲੈਕਸ਼ਨ ਨਾਲ ਗੋਲ ਕੀਤਾ, ਜਦਕਿ ਸੁਖਬੀਰ ਕੌਰ ਨੇ ਪੈਨਲਟੀ ਸਟ੍ਰੋਕ ਨੂੰ ਗੋਲ ‘ਚ ਬਦਲਿਆ । ਸਾਨਿਕਾ ਮਾਨੇ ਦੇ ਗੋਲ ਨਾਲ ਭਾਰਤ ਨੇ ਪਹਿਲਾ ਕੁਆਰਟਰ 5-0 ਦੀ ਲੀਡ ਨਾਲ ਖਤਮ ਕੀਤਾ । ਦੂਜੇ ਕੁਆਰਟਰ ‘ਚ ਮਧੂ ਸਿਦਾਰ ਅਤੇ ਗੀਤਾ ਯਾਦਵ ਨੇ ਗੋਲ ਕੀਤੇ । ਇਸ ਤੋਂ ਬਾਅਦ ਸਾਨਿਕਾ, ਤਨੁਜਾ ਟੋਪੋ ਅਤੇ ਪੂਜਾ ਮਲਿਕ ਦੇ ਗੋਲ ਨਾਲ ਭਾਰਤ ਨੇ ਹਾਫ ਟਾਈਮ ਤੱਕ ਸਕੋਰ 10-0 ਕਰ ਦਿੱਤਾ ।
ਕਿਸ ਖਿਡਾਰਨ ਨੇ ਕੀਤੀ ਆਪਣੀ ਹੈਟ੍ਰਿਕ ਪੂਰੀ
ਤੀਜੇ ਕੁਆਰਟਰ ‘ਚ ਭਾਰਤ ਨੇ ਤਿੰਨ ਹੋਰ ਗੋਲ ਕੀਤੇ । ਪੂਰਨਿਮਾ ਯਾਦਵ, ਮਧੂ ਅਤੇ ਸੁਪ੍ਰੀਆ ਨੇ ਗੋਲ ਕਰਕੇ ਪਾਕਿਸਤਾਨ ਦੀ ਵਾਪਸੀ ਦੀ ਉਮੀਦ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤੀ । ਆਖਰੀ ਕੁਆਰਟਰ ‘ਚ ਵੀ ਭਾਰਤ ਨੇ ਦਬਾਅ ਬਣਾਏ ਰੱਖਿਆ । ਕ੍ਰਿਸ਼ਨਾ ਸ਼ਰਮਾ ਨੇ ਗੋਲ ਕੀਤਾ, ਇਸ ਤੋਂ ਬਾਅਦ ਪੂਜਾ ਮਲਿਕ ਨੇ ਆਪਣੀ ਹੈਟ੍ਰਿਕ ਪੂਰੀ ਕੀਤੀ । ਸੁਪ੍ਰੀਆ ਨੇ ਦੂਜਾ ਗੋਲ ਕੀਤਾ, ਜਦਕਿ ਬਿਨੀਮਾ ਧਨ ਅਤੇ ਰੋਸ਼ਨੀ ਐਂਦ ਨੇ ਆਖਰੀ ਦੋ ਗੋਲ ਕਰਕੇ ਭਾਰਤ ਦੀ ਜਿੱਤ 19-0 ਕਰ ਦਿੱਤੀ । ਰੋਸ਼ਨੀ ਨੇ 60ਵੇਂ ਮਿੰਟ ‘ਚ ਭਾਰਤ ਦਾ 19ਵਾਂ ਗੋਲ ਕੀਤਾ ।
ਭਾਰਤ ਨੇ ਕਿੰਨੇ ਪੈਨਲਟੀ ਕਾਰਨਰ ਹਾਸਲ ਕੀਤੇ
ਭਾਰਤ ਨੇ ਪੂਰੇ ਮੈਚ ‘ਚ 19 ਗੋਲਾਂ ਦੇ ਨਾਲ 18 ਪੈਨਲਟੀ ਕਾਰਨਰ ਅਤੇ ਇੱਕ ਪੈਨਲਟੀ ਸਟ੍ਰੋਕ ਹਾਸਲ ਕੀਤਾ । ਪਾਕਿਸਤਾਨ ਨੂੰ ਪੂਰੇ ਮੈਚ ‘ਚ ਨਾ ਤਾਂ ਕੋਈ ਗੋਲ ਮਿਲਿਆ ਅਤੇ ਨਾ ਹੀ ਪੈਨਲਟੀ ਕਾਰਨਰ ਜਾਂ ਪੈਨਲਟੀ ਸਟ੍ਰੋਕ । ਸੈਮੀਫਾਈਨਲ ‘ਚ ਭਾਰਤ ਦਾ ਸਾਹਮਣਾ ਕੋਰੀਆ ਅਤੇ ਮਲੇਸ਼ੀਆ ਵਿਚਾਲੇ ਹੋਣ ਵਾਲੇ ਕੁਆਰਟਰ ਫਾਈਨਲ (Quarter-finals) ਦੇ ਜੇਤੂ ਨਾਲ ਸ਼ਨੀਵਾਰ ਨੂੰ ਹੋਵੇਗਾ ।
Read More : ਭਾਰਤੀ ਹਾਕੀ ਟੀਮ ਮੁੜ ਖੇਡੇਗੀ ਨੀਲੀ ਜਰਸੀ ਵਿਚ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
One thought on “ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਪਾਕਿਸਤਾਨ ਨੂੰ 19-0 ਨਾਲ ਹਰਾਇਆ”