ਬੈਂਗਲੁਰੂ, 13 ਦਸੰਬਰ 2025 : ਕਰਨਾਟਕ ਦੀ ਮੁੱਖ ਵਿਰੋਧੀ ਧਿਰ ਭਾਜਪਾ ਨੇ ਮੁੱਖ ਮੰਤਰੀ ਸਿੱਧਰਮਈਆ (Chief Minister Siddaramaiah) ਵੱਲੋਂ ਪਿਛਲੇ ਢਾਈ ਸਾਲਾਂ ਦੌਰਾਨ ਹਵਾਈ ਯਾਤਰਾ (Air travel) `ਤੇ ਸੂਬੇ ਦੇ ਫੰਡਾਂ ਵਿਚੋਂ 47 ਕਰੋੜ ਰੁਪਏ ਖਰਚ ਕਰਨ ਦੀ ਨਿੰਦਾ ਕੀਤੀ ।
ਭਾਜਪਾ ਨੇ ਵਿੰਨ੍ਹਿਆ ਨਿਸ਼ਾਨਾ
ਭਾਜਪਾ ਦੇ ਵਿਧਾਨ ਪ੍ਰੀਸ਼ਦ (ਐੱਮ. ਐੱਲ. ਸੀ.) ਮੈਂਬਰ ਐੱਨ. ਰਵੀ ਕੁਮਾਰ ਨੂੰ ਲਿਖੇ ਲਿਖਤੀ ਜਵਾਬ ਦੇ ਅਨੁਸਾਰ, ਇਹ ਰਕਮ ਮਈ 2023 ਅਤੇ ਨਵੰਬਰ 2025 ਦੇ ਵਿਚਕਾਰ ਵਿਸ਼ੇਸ਼ ਉਡਾਣਾਂ, ਜਹਾਜ਼ਾਂ ਅਤੇ ਹੈਲੀਕਾਪਟਰਾਂ `ਤੇ ਖਰਚ ਕੀਤੀ ਗਈ । ਮੁੱਖ ਮੰਤਰੀ ਦਫਤਰ (ਸੀ. ਐੱਮ. ਓ.) ਨੇ ਸਪੱਸ਼ਟ ਕੀਤਾ ਕਿ ਉਕਤ ਰਕਮ ਸਿਰਫ ਸਰਕਾਰੀ ਦੌਰਿਆਂ ਲਈ ਖਰਚ ਕੀਤੀ ਗਈ ।
ਵੀ. ਆਈ ਪੀ. ਖਰਚ ਨੇ ਕੀਤੇ ਗੰਭੀਰ ਸਵਾਲ ਖੜ੍ਹੇ
ਭਾਜਪਾ ਆਈ. ਟੀ. ਸੈੱਲ ਦੇ ਇੰਚਾਰਜ ਅਮਿਤ ਮਾਲਵੀਆ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ `ਐਕਸ` `ਤੇ ਇਕ ਪੋਸਟ ਵਿਚ ਮੁੱਖ ਮੰਤਰੀ ਦੀਆਂ ਨਿਯਮਤ ਹੈਲੀਕਾਪਟਰ ਯਾਤਰਾਵਾਂ `ਤੇ ਸਵਾਲ ਉਠਾਏ । ਉਨ੍ਹਾਂ ਕਿਹਾ ਕਿ ਪਿਛਲੇ 30 ਮਹੀਨਿਆਂ ਵਿਚ ਹੈਲੀਕਾਪਟਰ ਰਾਹੀਂ ਯਾਤਰਾ ਕਰਨ ਨਾਲ ਟੈਕਸਦਾਤਾਵਾਂ ਦੇ 47 ਕਰੋੜ ਰੁਪਏ ਖਰਚ (Taxpayers spent Rs 47 crore) ਹੋ ਚੁੱਕੇ ਹਨ । ਅਜਿਹੇ ਸਮੇਂ ਜਦੋਂ ਕਰਨਾਟਕ ਅਜੇ ਵੀ ਬੁਨਿਆਦੀ ਢਾਂਚਾ, ਪੇਂਡੂ ਵਿਕਾਸ, ਸਿਹਤ ਸੰਭਾਲ ਅਤੇ ਸਿੱਖਿਆ ਵਰਗੀਆਂ ਚੁਣੌਤੀਆਂ ਨਾਲ ਮੁੱਖ ਮੰਤਰੀ ਸਿੱਧਰਮਈਆ ਦੀ ਵਿਸ਼ੇਸ਼ ਜਹਾਜ਼ ਅਤੇ ਜੂਝ ਰਿਹਾ ਹੈ, ਵੀ. ਆਈ. ਪੀ. ਹਵਾਈ ਯਾਤਰਾ `ਤੇ ਇੰਨਾ ਵੱਡਾ ਖਰਚ ਗੰਭੀਰ ਸਵਾਲ ਖੜ੍ਹੇ ਕਰਦਾ ਹੈ । ਮਾਲਵੀਆ ਨੇ ਜਾਣਨਾ ਚਾਹਿਆ ਕਿ ਕੀ ਇਹ ਜਨਤਕ ਫੰਡਾਂ ਦੀ ਸਭ ਤੋਂ ਵਧੀਆ ਵਰਤੋਂ ਹੈ? ਕੀ ਘੱਟ ਦੂਰੀ ਦੇ ਮਾਰਗਾਂ ਸਮੇਤ ਵਾਰ-ਵਾਰ ਹੈਲੀਕਾਪਟਰ ਯਾਤਰਾਵਾਂ ਜ਼ਿੰਮੇਵਾਰ ਸਰਕਾਰ ਨੂੰ ਦਰਸਾਉਂਦੀਆਂ ਹਨ ?
Read More : ਮੁੱਖ ਮੰਤਰੀ ਨੇ ਕੀਤਾ ਔਰਤਾਂ ਨੂੰ ਸਹੂਲਤਾਂ ਦੇ ਮੱਦੇਨਜ਼ਰ ਡਿਜੀਟਲ ਪੋਰਟਲ ਲਾਂਚ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
