ਲਖਨਊ, 13 ਦਸੰਬਰ 2025 : ਇਨਫੋਰਸਮੈਂਟ ਡਾਇਰੈਕਟੋਰੇਟ (Enforcement Directorate) (ਈ. ਡੀ.) ਨੇ ਉੱਤਰ ਪ੍ਰਦੇਸ਼ ਨਾਲ ਜੁੜੇ ਗੈਰ-ਕਾਨੂੰਨੀ ਕਫ ਸਿਰਪ ਕਾਰੋਬਾਰ (Illegal cough syrup business) `ਤੇ ਕਾਰਵਾਈ ਤੇਜ਼ ਕਰਦੇ ਹੋਏ ਮਨੀ ਲਾਂਡਰਿੰਗ (Money laundering) ਮਾਮਲੇ ਦੀ ਜਾਂਚ ਦੇ ਤਹਿਤ 3 ਸੂਬਿਆਂ `ਚ -25 ਟਿਕਾਣਿਆਂ `ਤੇ ਛਾਪੇਮਾਰੀ (Raid) ਕੀਤੀ ।
ਕਿਹੜੇ ਤਿੰਨ ਸੂਬਿਆਂ ਵਿਚ ਮਾਰੇ ਗਏ ਛਾਪੇ
ਅਧਿਕਾਰੀਆਂ ਅਨੁਸਾਰ ਛਾਪੇ ਲਖਨਊ, ਵਾਰਾਣਸੀ, ਜੌਨਪੁਰ ਅਤੇ ਸਹਾਰਨਪੁਰ ਦੇ ਨਾਲ-ਨਾਲ ਰਾਂਚੀ (ਝਾਰਖੰਡ) ਅਤੇ ਅਹਿਮਦਾਬਾਦ (ਗੁਜਰਾਤ) ਵਿਚ ਮਾਰੇ ਗਏ। ਈ. ਡੀ. ਨੇ ਇਹ ਕਾਰਵਾਈ ਕੋਡੀਨ-ਯੁਕਤ ਕਫ ਸਿਰਪ ਦੇ ਗੈਰ-ਕਾਨੂੰਨੀ ਉਤਪਾਦਨ, ਵਪਾਰ ਅਤੇ ਸਪਲਾਈ ਨਾਲ ਸਬੰਧਤ 30 ਤੋਂ ਵੱਧ ਐੱਫ. ਆਈ. ਆਰ. ਦੇ ਆਧਾਰ `ਤੇ ਪੀ. ਐੱਮ. ਐੱਲ. ਏ. ਦੇ ਤਹਿਤ ਕੇਸ ਦਰਜ ਕਰਨ ਤੋਂ ਬਾਅਦ ਇਹ ਕਾਰਵਾਈ ਸ਼ੁਰੂ ਕੀਤੀ ਹੈ।
ਗੈਰ ਕਾਨੂੰਨੀ ਵਪਾਰ ਨੇ ਕੀਤੀ ਹੈ ਲਗਭਗ ਇਕ ਹਜ਼ਾਰ ਕਰੋੜ ਦੀ ਗੈਰ-ਕਾਨੂੰਨੀ ਕਮਾਈ
ਛਾਪੇਮਾਰੀ ਮੁੱਖ ਮੁਲਜ਼ਮ ਸ਼ੁਭਮ ਜੈਸਵਾਲ, ਉਸਦੇ ਸਹਿਯੋਗੀਆਂ ਆਲੋਕ ਸਿੰਘ, ਅਮਿਤ ਸਿੰਘ, ਕੁਝ ਕਫ ਸਿਰਪ ਬਣਾਉਣ ਵਾਲੀਆਂ ਕੰਪਨੀਆਂ ਅਤੇ ਚਾਰਟਰਡ ਅਕਾਊਂਟੈਂਟ ਵਿਸ਼ਨੂੰ ਅਗਰਵਾਲ ਨਾਲ ਜੁੜੇ ਟਿਕਾਣਿਆਂ `ਤੇ ਕੀਤੀ ਗਈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਗੈਰ-ਕਾਨੂੰਨੀ ਵਪਾਰ ਨੇ ਲੱਗਭਗ 1,000 ਕਰੋੜ ਰੁਪਏ ਦੀ ਗੈਰ-ਕਾਨੂੰਨੀ ਕਮਾਈ (Illegal earnings) ਕੀਤੀ ਹੈ । ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਮੁੱਖ ਮੁਲਜ਼ਮ ਸ਼ੁਭਮ ਜੈਸਵਾਲ ਸੰਭਾਵਿਤ ਤੌਰ `ਤੇ ਦੁਬਈ ਭੱਜ ਚੁੱਕਾ ਹੈ, ਜਦੋਂ ਕਿ ਉਸਦੇ ਪਿਤਾ ਨੂੰ ਉੱਤਰ ਪ੍ਰਦੇਸ਼ ਪੁਲਸ ਪਹਿਲਾਂ ਹੀ ਗ੍ਰਿਫਤਾਰ ਕਰ ਚੁੱਕੀ ਹੈ ।
Read More : ਇਸਲਾਮਿਕ ਸਟੇਟ ਨਾਲ ਜੁੜੇ ਮਾਮਲੇ ਚ ਈ. ਡੀ. ਦੀ 4 ਸੂਬਿਆਂਚ ਛਾਪੇਮਾਰੀ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
