ਪਾਲਘਰ, 30 ਨਵੰਬਰ 2025 : ਮਹਾਰਾਸ਼ਟਰ (Maharashtra) ਦੇ ਪਾਲਘਰ ਜਿ਼ਲੇ (Palghar district) ਦੇ ਵਿਕਰਮਗੜ੍ਹ `ਚ ਪੁਲਸ ਨੇ 111 ਕਰੋੜ ਰੁਪਏ ਹੜੱਪਣ (111 crore rupees looted) ਦੀ ਕੋਸਿ਼ਸ਼ ਕਰਨ ਵਾਲੇ ਸਥਾਨਕ ਗਵਰਨਿੰਗ ਬਾਡੀ ਦੇ ਪ੍ਰਧਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ।
ਨੀਲੇਸ਼ ਉਰਫ ਪਿੰਕਾ ਰਮੇਸ਼ ਪਡਵਾਲੇ ਵਿਕਰਮਗੜ੍ਹ ਨਗਰ ਪੰਚਾਇਤ ਦਾ ਪ੍ਰਧਾਨ ਹੈ : ਪੁਲਸ ਅਧਿਕਾਰੀ
ਅਧਿਕਾਰੀਆਂ ਨੇ ਦੱਸਿਆ ਕਿ ਮੁਲਜ਼ਮ ਨੀਲੇਸ਼ ਉਰਫ ਪਿੰਕਾ (Accused Nilesh alias Pinka) ਰਮੇਸ਼ ਪਡਵਾਲੇ ਵਿਕਰਮਗੜ੍ਹ ਨਗਰ ਪੰਚਾਇਤ ਦਾ ਪ੍ਰਧਾਨ ਹੈ ਅਤੇ ਉਹ ਓ. ਵੀ. ਕੰਸਟ੍ਰਕਸ਼ਨ ਕੰਪਨੀ ਦਾ ਵੀ ਮਾਲਕ ਹੈ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਕਥਿਤ ਘਪਲੇ ਦੀ ਸਾਜਿ਼ਸ਼ (Scam conspiracy) ਬਾਰੇ 7 ਨਵੰਬਰ ਨੂੰ ਪਤਾ ਲੱਗਾ, ਜਦੋਂ ਨਿਰਮਾਣ ਕੰਪਨੀ ਦੇ ਨਾਂ `ਤੇ 111 ਕਰੋੜ ਰੁਪਏ ਦਾ ਡਿਮਾਂਡ ਡਰਾਫਟ ਜਾਰੀ ਕਰਨ ਲਈ ਲੋਕ ਨਿਰਮਾਣ ਵਿਭਾਗ (ਪੀ. ਡਬਲਿਊ. ਡੀ.) ਦਾ ਇਕ ਫਰਜ਼ੀ ਅਪੀਲ ਪੱਤਰ ਭਾਰਤੀ ਸਟੇਟ ਬੈਂਕ (ਐੱਸ. ਬੀ. ਆਈ.) ਦੀ ਜੌਹਰ ਬਰਾਂਚ ਵਿਚ ਪੇਸ਼ ਕੀਤਾ ਗਿਆ । ਮੰਗ ਪੱਤਰ ਅਤੇ ਨਾਲ ਦਿੱਤੇ ਗਏ ਚੈੱਕ `ਤੇ ਪੀ. ਡਬਲਿਊ. ਡੀ. ਦੇ ਕਾਰਜਕਾਰੀ ਇੰਜੀਨੀਅਰ ਅਤੇ ਅਕਾਊਂਟੈਂਟ ਦੇ ਕਥਿਤ ਦਸਤਖਤ ਸਨ ।
ਪੱਤਰ ਦੀ ਜਾਂਚ ਦੌਰਾਨ ਬੈਂਕ ਅਧਿਕਾਰੀਆਂ ਨੂੰ ਸ਼ੱਕ ਹੋਇਆ ਕਿਉਂਕਿ ਉਨ੍ਹਾਂ ਨੂੰ ਇਸ ਵਿਚ ਕਈ ਗਲਤੀਆਂ ਮਿਲੀਆਂ
ਅਧਿਕਾਰੀ ਨੇ ਦੱਸਿਆ ਕਿ ਪੱਤਰ ਦੀ ਜਾਂਚ ਦੌਰਾਨ ਬੈਂਕ ਅਧਿਕਾਰੀਆਂ ਨੂੰ ਸ਼ੱਕ ਹੋਇਆ ਕਿਉਂਕਿ ਉਨ੍ਹਾਂ ਨੂੰ ਇਸ ਵਿਚ ਕਈ ਗਲਤੀਆਂ ਮਿਲੀਆਂ, ਜਿਨ੍ਹਾਂ ਵਿਚ `ਕਰੋੜ` ਦੀ ਥਾਂ ਇਕ `ਬਿਲੀਅਨ` ਸ਼ਬਦ ਦੀ ਵਰਤੋਂ ਵੀ ਸ਼ਾਮਲ ਸੀ । ਇਸ ਸਾਜਿ਼ਸ਼ ਦਾ ਪੂਰਾ ਪਰਦਾਫਾਸ਼ ਉਦੋਂ ਹੋਇਆ ਜਦੋਂ ਐੱਸ. ਬੀ. ਆਈ. ਪ੍ਰਬੰਧਕਾਂ ਨੇ ਕਾਰਜਕਾਰੀ ਇੰਜੀਨੀਅਰ ਨਾਲ ਨਿੱਜੀ ਤੌਰ `ਤੇ ਮੁਲਾਕਾਤ ਕੀਤੀ । ਅਧਿਕਾਰੀ ਨੇ ਕਿਹਾ ਕਿ ਪੱਤਰ `ਤੇ ਦਸਤਖਤ ਉਨ੍ਹਾਂ ਦੇ ਨਹੀਂ ਸਨ ।
Read More : ਪੋਤੇ ਨੇ ਕੀਤਾ ਜ਼ਮੀਨ ਲਈ ਦਾਦੇ ਦਾ ਕਤਲ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
