ਨਵੀਂ ਦਿੱਲੀ, 16 ਅਕਤੂਬਰ 2026 : ਭਾਰਤ ਦੇਸ਼ ਦੀ ਰਾਜਧਾਨੀ ਨਵੀਂ ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ (Chief Minister Rekha Gupta) ਵਲੋਂ ਨਰਾਤਿਆਂ ਮੌਕੇ ਵਿਦਿਆਰਥਣਾਂ ਨੂੰ ਸਾਈਕਲਾਂ ਦੀ ਵੰਡ ਕੀਤੇ ਜਾਣ ਦਾ ਸਮਾਚਾਰ ਹੈ ।
ਕਿੰਨੀਆਂ ਵਿਦਿਆਰਥੀਆਂ ਨੂੰ ਵੰਡੀਆਂ ਗਈਆਂ ਹਨ ਸਾਈਕਲਾਂ
ਮਿਲੀ ਜਾਣਕਾਰੀ ਅਨੁਸਾਰ ਸ਼ਾਰਦੀ ਨਰਾਤਿਆਂ (Sharadi Navratri) ਦੇ ਪਵਿੱਤਰ ਮੌਕੇ `ਤੇ ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਵਲੋਂ ਅੱਜ ਸ਼ੁੱਕਰਵਾਰ ਨੂੰ ਸ਼ਾਲੀਮਾਰ ਬਾਗ ਸਥਿਤ ਸੀ. ਐੱਮ. ਸ਼੍ਰੀ ਸਕੂਲ ’ਚ ਮਾਂ ਦਾ ਸਰੂਪ ਮੰਨੀਆਂ ਜਾਂਦੀਆਂ ਨੰਨ੍ਹੀਆਂ ਧੀਆਂ ਦਾ ਕੰਨਿਆ ਪੂਜਨ ਕੀਤਾ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ ਗਿਆ ਮੌਕੇ ਜੋ ਸਾਈਕਲਾਂ ਦੀ ਵੰਡ (Bicycle distribution) ਕੀਤੀ ਗਈ ਹੈ ਉਹ 1,400 ਧੀਆਂ ਨੂੰ ਕੀਤੀ ਗਈ ਹੈ ।
ਕੀ ਆਖਿਆ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ
ਪ੍ਰਾਪਤ ਸੂਚਨਾ ਮੁਤਾਬਕ ਮੁੱਖ ਮੰਤਰੀ ਦਿੱਲੀ ਰੇਖਾ ਗੁਪਤਾ ਨੇ ਕਿਹਾ ਕਿ ਸਨਾਤਨ ਸੰਸਕ੍ਰਿਤੀ ਬੇਹੱਦ ਅਦਭੁੱਤ ਹੈ । ਜਿਨ੍ਹਾਂ ਮਾਂ ਜਗਦੰਬਾ ਦੇ ਚਰਨਾਂ ’ਚ ਪੂਰੀ ਸ੍ਰਿਸ਼ਟੀ ਸ਼ੀਸ਼ ਝੁਕਾਉਂਦੀ ਹੈ, ਉਨ੍ਹਾਂ ਮਾਂ ਦਾ ਸਾਕਸ਼ਾਤ ਸਰੂਪ ਅਸੀਂ ਨੰਨ੍ਹੀਆਂ ਕੰਨਿਆਵਾਂ ’ਚ ਦੇਖਦੇ ਹਾਂ । ਉਨ੍ਹਾਂ ਦੇ ਚਰਨਾਂ ’ਚ ਸ਼ਰਧਾ ਅਰਪਿਤ ਕਰਨਾ, ਉਨ੍ਹਾਂ ਦੀ ਪੂਜਾ ਕਰਨਾ ਅਤੇ ਆਸ਼ੀਰਵਾਦ ਪ੍ਰਾਪਤ ਕਰਨਾ ਪਰਮ ਸੌਭਾਗ ਦੀ ਗੱਲ ਹੈ ।
ਸਾਈਕਲਾਂ ਨਾਲ ਧੀਆਂ ਦੀ ਸਿੱਖਿਆ ਦਾ ਰਾਹ ਸੁਖਾਲਾ ਹੋਵੇਗਾ : ਮੁੱਖ ਮੰਤਰੀ
1,400 ਧੀਆਂ ਨੂੰ ਸਾਈਕਲਾਂ ਸੌਂਪਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਇਨ੍ਹਾਂ ਸਾਈਕਲਾਂ ਨਾਲ ਧੀਆਂ ਦੀ ਸਿੱਖਿਆ ਦਾ ਰਾਹ ਸੁਖਾਲਾ ਹੋਵੇਗਾ ਅਤੇ ਉਹ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰ ਸਕਣਗੀਆਂ । ਮੁੱਖ ਮੰਤਰੀ ਨੇ ਮਾਂ ਭਗਵਤੀ ਅੱਗੇ ਅਰਦਾਸ ਕੀਤੀ ਕਿ ਉਨ੍ਹਾਂ ਦੀ ਕਿਰਪਾ ਹਰ ਧੀ `ਤੇ ਬਣੀ ਰਹੇ । ਹਰ ਧੀ ਵਿੱਦਿਆ, ਹਿੰਮਤ ਅਤੇ ਸਮਰੱਥਾ ਨਾਲ ਭਰਪੂਰ ਹੋ ਕੇ ਜ਼ਿੰਦਗੀ ’ਚ ਖ਼ੂਬ ਤਰੱਕੀ ਕਰੇ ।
Read More : ਦਿੱਲੀ ਵਿਖੇ ਬਿਲਡਿੰਗ ਢਹਿ ਜਾਣ ਮਾਮਲੇ ਵਿਚ ਪੰਜ ਅਧਿਕਾਰੀ ਕੀਤੇ ਮੁਅੱਤਲ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
