ਕੋਝੀਕੋਡ, 9 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਕੇਰਲ (Kerala) ਦੇ ਕੋਝੀਕੋਡ ਵਿਚ ਦੁਕਾਨਦਾਰ ਵਲੋਂ ਇਕ ਰੁਪਏ ਵਿਚ ਜੁੱਤੀਆਂ ਦੀ ਆਫਰ ਦਿੱਤੇ ਜਾਣ ਦੇ ਮਾਮਲੇ ਵਿਚ ਭੀੜ ਤੇ ਲਾਠੀਚਾਰਜ ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਕੀ ਹੈ ਸਮੁੱਚਾ ਮਾਮਲਾ
ਮਿਲੀ ਜਾਣਕਾਰੀ ਮੁਤਾਬਕ ਕੇਰਲ ਦੇ ਕੋਝੀਕੋਡ ‘ਚ ਮਹਿੰਗੀਆਂ ਜੁੱਤੀਆਂ ਸਿਰਫ਼ ਇਕ ਰੁਪਏ ‘ਚ ਦੇਣ ਦੀ ਮਸ਼ਹੂਰੀ ਕਰਨ ਵਾਲੀ ਇਕ ਦੁਕਾਨ ਦੇ ਬਾਹਰ ਐਤਵਾਰ ਸਵੇਰੇ ਭਾਰੀ ਭੀੜ ਇਕੱਠੀ ਹੋ ਗਈ । ਭੀੜ ਨੂੰ ਕਾਬੂ ‘ਚ ਕਰਨ ਲਈ ਪੁਲਸ ਨੂੰ ਲਾਠੀਚਾਰਜ (Baton charge) ਕਰਨਾ ਪਿਆ । ਵਾਇਰਲ ਮਸ਼ਹੂਰੀ ਤੋਂ ਪ੍ਰਭਾਵਿਤ ਹੋ ਕੇ ਸੈਂਕੜੇ ਗਾਹਕ ਤੜਕੇ ਹੀ ਇਲਾਕੇ ‘ਚ ਆ ਗਏ, ਜਿਸ ਕਾਰਨ ਹਫੜਾ-ਦਫੜੀ ਮਚ ਗਈ ਤੇ ਆਵਾਜਾਈ `ਚ ਵਿਘਨ ਪੈ ਗਿਆ ।
ਪੁਲਸ ਨੇ ਦੁਕਾਨ ਮਾਲਕ ਨੂੰ ਲੈ ਲਿਆ ਹੈ ਹਿਰਾਸਤ ਵਿਚ
ਪੁਲਸ ਅਨੁਸਾਰ ਦੁਕਾਨਦਾਰ ਨੇ ਪਹਿਲੇ 100 ਗਾਹਕਾਂ ਨੂੰ ਹੀ ਸਿਰਫ਼ ਇਕ ਰੁਪਏ ‘ਚ ਜੁੱਤੀਆਂ ਦੇਣ ਦੀ ਗੱਲ ਕਹੀ ਸੀ । ਇਸ ਕਾਰਨ ਭੀੜ ਰਾਤ 2 ਵਜੇ ਹੀ ਇਕੱਠੀ ਹੋਣ ਲੱਗ ਪਈ । ਵਾਇਨਾਡ ਵਰਗੇ ਜਿਲਿਆਂ ਦੇ ਵੀ ਲੋਕ ਆਏ ਸਨ । ਸਥਿਤੀ ਦੇ ਕਾਬੂ ਤੋਂ ਬਾਹਰ ਹੋਣ ‘ਤੇ ਪੁਲਸ ਨੂੰ ਦਖਲ ਦੇਣਾ ਪਿਆ । ਇਲਾਕੇ ‘ਚ ਤਣਾਅ ਪੈਦਾ ਕਰਨ ਦੇ ਦੋਸ਼ ਹੇਠ ਦੁਕਾਨ ਦੇ ਮਾਲਕ ਨੂੰ ਹਿਰਾਸਤ (Detention) ‘ਚ ਲੈ ਲਿਆ ਗਿਆ ਹੈ ।
Read More : ਡੇਰਾ ਬੱਲਾਂ ਦੇ ਸੰਤ ਖਿਲਾਫ਼ ਵੀਡੀਓ ਬਣਾਉਣ ਵਾਲੀ ਮਹਿਲਾ ਹਿਰਾਸਤ ਵਿਚ
ਤਾਜ਼ਾ ਪੰਜਾਬੀ ਖ਼ਬਰਾਂ, ਰਾਜਨੀਤੀ, ਅਪਰਾਧ ਅਤੇ ਸੁਰੱਖਿਆ ਨਾਲ ਜੁੜੀਆਂ ਅਪਡੇਟਸ ਲਈ ਸਾਡੇ DM 24 LiveWebsite ਨਾਲ ਬਣੇ ਰਹੋ । ਵੀਡੀਓਜ਼ ਦੇਖਣ ਲਈ DM 24 Live YouTube ਚੈਨਲ Subscribe ਕਰੋ ਅਤੇ ਸਾਨੂੰ Facebook, ਇੰਸਟਾਗ੍ਰਾਮ, Twitter, Koo, ShareChat ਅਤੇ Dailyhunt ‘ਤੇ ਫੋਲੋ ਕਰੋ।
